OMG! /Oh! may gwapo!/ Yan ang sinabi ng flatmate ko sa akin nang makita nya ako ulit pagkatapos ng mahabang panahon. Mga one week din yun. Malayo kasi ang trabaho nya at tuwing day-off lang siya nakakadalaw sa bahay para makasama ang girlfriend nya na flatmate ko. Tinawag nya akong gwapo dahil yun ang totoo, chos! Hinde, malapit na kasi ulit ang birthday ko at lahat yata ng nakakaalam ay in-extend ang april fool's day sa panlolokong gwapo ako. Sorry naman at hindi ako affected. Matagal ko nang tanggap ang kalokohang yan dahil ang totoo, photogenic lang talaga ako -hmp!
Sa loob ng ilang araw ay magb-bj (blow sabay jump) na ulit ako ng tatlumput dalawang piraso ng kandila na sumisimbolo ng aking edad. Pagkakasyahin kong ilagay lahat ng yun kahit sa spanish bread lang. Wala pa akong budget pambili ng cake. Masaya ang magdiwang ng kaarawaan subalit madalas sa aking katayuan ay may kaakibat itong pangamba o pressure. Bakit kamo? 32 years old na ako pero single pa rin ako. Hindi naman problema talaga kung wala kong girlfriend sa ngayon dahil madali naman yun para sa akin. Haler? Kung may kakambal man na matatawag si Dennis Trillo ay ako na yun. Joke. Ang totoong pressure dun ay wala pa rin akong matinong ipon hanggang ngayon kung sakali mang lumagay na ako sa tahimik. Kaya itong birthday ko na ito ngayon ay meron akong isang bonggang bonggang wish at sana ay matupad na iyon. Blow sabay thank you!
Wala akong balak maghanda sa nalalapit kong kaarawan dahil ako ay nagtitipid. Nag-iipon ako para maghanda next year. Gumawa na lang ako ng munting tribute para sa akin. Bukod sa natuklasan ko lately na ang pagbubunot ng buhok sa ilong ay hindi healthy dahil nakaka-adik, napadpad ako sa isang site wherein I could flatter again in greater intensity the artistic side of me. Gumawa ako ng graffiti. Byes!
 |
| I so love it. Lumabas talaga dito ang lalim ng imagination ko. |
No comments:
Post a Comment